"მანჩესტერ იუნაიტედიდან", "ასტონ ვილაში" განათხოვრებულმა მეკარე სემ ჯონსტოუნმა საინტერესო ინტერვიუ ჩაწერა Guradian-თან, სადაც 25 წლის ფეხბურთელი თავის კარიერაზე საუბრობს.
სემი "იუნაიტედში" პირველად 10 წლის ასაკში მივიდა, თუმცა მიუხედავად ამდენი გასული დროისა, ინგლისელ კიპერს ოფიციალური შეხვედრა "წითელი ეშმაკების" მაისურით დღემდე არ ჩაუტარებია. ამ დროის განვმალობაში ჯონსტოუნი განათხოვრებული იყო მრავალ გუნდში, ესენი არიან: ოლდჰემი, სკუნთორპი, უოლსოლი, იოვილი, დონკასტერი და პრესტონი.
"თუ მე წავალ, გამოვა რომ 10 წლის ასაკიდან მოყოლებული გუნდში შედეგს ვერ მივაღწიე. არ მსურს გუნდის დატოვება, მაგრამ როდესაც კლუბში მსოფლიოს საუკეთესო მეკარე დევიდ დე ხეა თამაშობს, არ შეგიძლია რომ სამუდამოდ ელოდო შანსს.
მე ჩემი კარიერის შექმნას ვცდილობ და "იუნაიტედს" დავტოვებ. მე მსურს ინგლისის ეროვნული ნაკრების მაისურისთვის ვიბრძოლო." - დაასრულა ინგლისელმა.