მარტის თვეში გულშემატკივართა მიერ "მანჩესტერ იუნაიტედის" საუკეთესო ფეხბურთელად დასახელებულმა რომელუ ლუკაკუმ გულშემატკივრებს მადლობა გადაუხადა.

როგორც ყოველთვის, ათასობით გულშემატკივარმა "იუანიტედის" ოფიციალურ თვითერზე მისცა ხმა დასახელებულ ნომინატებს, რომელთა შორის ნემანია მატიჩი და ეშლი იანგიც იყვნენ. ბელგიელმა ფორვარდმა ხმების 71% მიიღო, მატიჩმა და იანგმა კი 22 და 7 პროცენტი, შესაბამისად.

ლუკაკუ სექტემბერსა და თებერვალშიც იყო ნომინირებული ამავე წოდებაზე, მაგრამ მხოლოდ მესამე შემთხვევა აღმოჩნდა მისთვის წარმატებული და "იუნაიტედში" ყოფნის პერიოდში პირველად დასახელდა თვის საუკეთესო მოთამაშედ.

"მინდა, მადლობა გადავუხადო გულშემატკივრებს ჩემთვის ხმის მოცემისათვის. ყოველთვის ვცდილობ მათთვის ამაგის გადახდას და ასე იქნება ამიერდან სეზონის ბოლომდეც. გასული კვირა შესანიშნავი იყო ჩემთვის და გუნდისთვის. კარგად ვთამაშობთ და ამ მომენტისგან სიამოვნების მიღება გვსურს, რათა სეზონის ბოლომდე კიდევ უფრო გავუმჯობესდეთ.

ჩემი ყველა გოლი მომწონს. არ მინდა რომელიმეს გამორჩევა, ამას სეზონის ბოლოს გავაკეთებ. ყოველთვის ასე ვიქცეოდი. უბრალოდ რომ შევეხო ბურთს, საჯარიმოდან გავიტანო ან მის გარედან, მაინც ყველა მომეწონება, რადგან დიდებული შეგრძნებაა.

ძალიან მნიშვნელოვანია სეზონის ძლიერად დასრულება. სწორედ ეს უნდა მოვახერხოთ. ჩვენ "მანჩესტერ იუნაიტედი" ვართ, ჩემპიონატში ყოველთვის უმაღლესი ადგილის დაკავება უნდა იყოს შენი მიზანი. გარკვეული სტანდარტები გვაქვს და დარჩენილ თამაშებში ამას უნდა ვეცადოთ."



წყარო: manutd.com