"მანჩესტერ იუნაიტედის" მცველმა კრის სმოლინგმა მოგვიხთრო, რომ "მანჩესტერ სიტისთან" მატჩის შესვენებაზე მოურინიომ ფეხბურთელებს ურჩია, მასხარად არ გამოსულიყვნენ საფინალო სასტვენის შემდეგ.

შაბათს გამართული შეხვედრის პირველი ტაიმის ჩაფლავების შემდეგ "წითლები" მეორე ნახევარში გარდაისახნენ და მეტოქეს 3 უპასუხო ბურთი გაუტანეს, რითაც შეხვედრის საბოლოო ანგარიში - 2:3 დააფიქსირეს.

გამარჯვების გოლის ავტორი "იუნაიტედის" ცენტრალური მცველი გახდა, რომელმაც მანამდე დაშვებული შეცდომა გამოასწორა.

"გუნდის წინაშე ვალში იყავი. როცა შეცდომას უშვებ, მისი გამოსწორება გსურს. დაინახავდით, რომ პირველმა გოლმა შვება მოგვგვარა და უბრალოდ მიხარია, რომ გამარჯვებაში ჩემი წვლილი შევიტანე.

შესვენებაზე საკუთარი თავის შეცოდებით გავედით, ვიცოდით, რომ მეორე ტაიმში სიამაყის გრძნობა უნდა გამოგვევლინა. პირველი ტაიმი საშინელი იყო - მეტოქეს ფეხს ვერ ვუწყობდით, ჩვენს თამაშს ვერ ვთამაშობდით და ყველაფერი ჯერ კიდევ შესვენებამდე შეიძლებოდა დასრულებულიყო.

მწვრთნელს ბევრი არ უსაუბრია, რადგან ჩვენ თავადაც გვესმოდა, რომ ეს ჩავარდნა იყო. გვითხრა, რომ არ სურდა მასხარებივით ვმდგარიყავით და გვეყურებინა, როგორ იგებდნენ ტიტულს", - განაცხადა სმოლინგმა.