ლუის კარვალიალი რომელიც ამ ეტაპზე პრემიერ ლიგაში მუშაობს და "სუონსის" წვრთნის, ჟოზე მოურინიოს მიმართ საქებარ სიტყვებს არ იშურებს და მას პორტუგალიური ფეხბურთის უმაღლეს პიროვნებად მიიჩნევს.
"ჟოზე მოურინიო პორტუგალიური ფეხბურთის მეფეა. ის საუკეთესო მწვრთნელია "პორტუს" ისტორიაში. მან მსოფლიო ასპარეზზე ჩვენი ქვეყნის მწვრთნელებისთვის პირველმა გახსნა კარები, მსოფლიოს გააცნო პორტუგალიელი მწვრთნელების იდეური არსი. მოურინიო მებრძოლია. გონებრივად კარგად შეუძლია თამაშის წაყვანა. მას ეს თეატრი მოსწონს".
კომენტარი გაკეთდა პრემიერ ლიგის გასულ ტურში, "მანჩესტერ იუნაიტედისა" და "სუონსის" შეხვედრის დაწყებამდე. ცნობისთვის, ის შეხვედრა ჟოზე მოურინიოს გუნდის გამარჯვებით ანგარიშით 2-0 დასრულდა.
პორტუგალიელი სპეციალისტის "მანჩესტერ იუნაიტედი" პრემიერ ლიგის სატურნირო ცხრილის მეორე ადგილს იკავებს, ხოლო ლიდერ "სიტისთან" სხვაობა 16 ქულას შეადგენს. "წითლები" შემდეგ ტურში სწორედ "თანაქალაქელებს" სტუმრად დაუპირისპირდებიან, დამარცხების შემთხვევაში "სიტი" ოფიციალურად მოიპოვებს ინგლისის ჩემპიონის ტიტულს.