პრემიერ ლიგაში საიუბილეო გოლის გატანის შემდეგ, "მანჩესტერ იუნაიტედის" ბელგიელი თავდამსხმელი პირადი ჯილდოების გაუმჯობესებაზე ალაპარაკდა. ლუკაკუს პირადი მიღწევების გაზრდა სურს
შეგახსენებთ, ლუკაკუმ პრემიერ ლიგის ეგიდით გამართულ შეხვედრაში "სუონსის" წინააღმდეგ გოლი გაიტანა. ეს გოლი კი ინგლისის ჩემპიონატში მისთვის საიუბილეო იყო. რომელუს აღნიშნულ ჩემპიონატში უკვე 100 გოლი უგროვდება მაშინ როდესაც ის კჯერ კიდევ 24 წლისაა.
"100 გოლი პრემიერ ლიგაში? ეს ცუდი შედეგი არაა. თუმცა, პირადი მიღწევების გაუმჯობესება მსურს. წინ ძალიან ბევრი სამუშაო მელოდება, მე ამ გამოწვევას ვიღებ და მზად ვარ ყველაფრისთვის.
პირად მიღწევებზე საუბარი არ მიყვარს. მე გუნდის მოთამაშე ვარ და პირად ინტერესებზე წინ სწორედ ჩემი გუნდის ინტერესებს ვაყენებ. მე თავდამსხმელი ვარ, და საჭიროა გავიტანო მეტი რათა ტიტულები მოვიგოთ". - ციტირებს ლუკაკუს სიტყვებს კლუბის ოფიციალური პრეს - სამსახური.