"წითელი ეშმაკების" პორტუგალიელი თავკაცი ნახევარმცველის ძიებაშია. ზაფხულის სატრანსფერო ფანჯრის გახსნისთანავე მოურინიო ეცდება გუნდში რამოდენიმე ახალი ფეხბურთელი მოიყვანოს და ამით როტაცია განახორციელოს.

სხვა მრავალ ფეხბურთელს შორის, რომელსაც პრესა აქტიურად უკავშირებს ინგლისურ გრანდს "მანჩესტერ იუნაიტედს", დღეს გავრცელებული ცნობით მათ შორის მონაკოს სამხრეთ ამერიკელი საყრდენი ნახევარმცველი ფაბინიოც შედის.

24 - წლის ფეხბურთელის პირადი სურვილია კარიერა ინგლისში კერძოდ, "მანჩესტერ იუნაიტედში" გააგრძელოს. ამის შესახებ მსოფლიოს წამყვანი გამოცემები Sky Sports და The Sun, წერენ. ცნობისთვის ჰავბეკით ყველაზე მეტად ფრანგული "პსჟ"- არის დაინტერესებული.

მიმდინარე სეზონში, ფაბინიოს ანგარიშზე ლიგა 1 - ში ჩატარებული შეხვედრებიდან 6 გოლი და 4 საგოლე გადაცემაა.