მსოფლიოს მასშტაბით, წამყვანი გამოცემების მტკიცებით, ესპანური გრანდის მადრიდის "რეალის" უელსელი შემტევი ფეხბურთელი კარიერას ინგლისში კერძოდ "მანჩესტერ იუნაიტედში" გააგრძელებს.

El Confidencial- ის ცნობით, უელსელ გარემარბს გადაწყვეტილება უკვე მიღებული აქვს და ის "სანტიაგო ბერნაბეუს" ზაფხულის სატრანსფერო ფანჯრის გახსნისთანავე დატოვებს. მთავარი მიზეზი კი ფეხბურთელისთვის სათამაშო პრაქტიკის არქონა გახლავთ.

მოგეხსენებათ, 28- წლის ფეხბურთელს მადრიდული კლუბის მთავარი მწვრთნელი ზინედინ ზიდანი აღარ ენდობა და გარემარბი სათადარიგო სკამის უცვლელ წევრად რჩება.

ბეილს თანაგუნდელები აქტიურად არწმუნებენ რომ მან კლუბი არ გამოიცვალოს და "რეალის" შემადგენლობაში დარჩეს, თუმცა გარეთი ფიქრობს რომ მისი ადგილი ესპანეთში უკვე აღარ არის.

ფეხბურთელის ყიდვის მთავარ პრეტენდენტად ინგლისური გრანდი "მანჩესტერ იუნაიტედი" სახელდება, რომელიც მზად არის ფეხბურთელის სანაცვლოდ 120 მილიონი ევრო გადაიხადოს.

ესპანეთის ჩემპიონატის მიმდინარე სეზონში, ბეილმა 20 შეხვედრა ჩაატარა და 11 გოლის გატანა შეძლო, ამასთანავე მის ანგარიშზე ერთი საგოლე გადაცემაც ირიცხება.