ამჟამად უკვე "იუნაიტედის" ყოფილი ლეგენდარული ფეხბურთელი ზლატან იბრაჰიმოვიჩი, მანჩესტერში თანაგუნდელების სანახავად და მათთან გამოსამშვიდობებლად დაბრუნდა. ზლატანმა როგორც ყოველთვის კიდევ ერთი იუმორისტული ვიდეო შესთავაზა გულშემატკივარს.
გუნდიდან შვედი ფეხბურთელის წასვლის შემდეგ, "წითელი ეშმაკების" მცველმა ერიკ ბაილიმ სოციალურ ქსელში ზლატანის მიმართ იხუმრა და მას სახუმარო პოსტიც მიუძღვნა.
"გაა*ვი". მადლობა ზლატან ყველაფრისთვის. ლეგენდა ხარ". ასე გამოიყურებოდა ბაილის პოსტი, რის შემდეგაც ზლატანი მასთან მივიდა, ხელი გადახვია, მუშტიც უჩვენა და კითხა: "რას გულისხმობდი "გაა*ვიში? ამ კითხვის შემდეგ ორივე ფეხბურთელმა სიცილი ვერ შეიკავა.
შეგახსენებთ, დიდებული შვედი ფეხბურთელი "იუნაიტედის" რიგებში 2016/18 წლებში ასპარეზობდა, ამ ხნის მანძილზე მან 53 ჩატარებულ შეხვედრაში 29 გოლის გატანა შეძლო. "წითლების" რიგებში ლეგენდარულმა ფეხბურთელმა სამი ტიტულის მოგებაც მოახერხა.