"მანჩესტერ იუნაიტედი" პრემიერ ლიგაში ასპარეზობას შაბათს "ოლდ ტრაფორდზე" "სუონსის" მასპინძლობით განაახლებს.

გამომდინარე იქიდან, რომ "წითლების" ბევრი ფეხბურთელი იყო გამოძახებული ნაკრებში, იყო საშიშროება, რომ რომელიმე მათგანი უკან ტრავმით დაბრუნდებოდა ამხანაგური მატჩების ჩატარების შემდეგ.

ერთ-ერთი ასეთი კი არის სკოტ მაკტომინეი, რომელიც იძულებული გახდა, შოტლანდიის ნაკრების რიგები დაეტოვებინა კოსტა-რიკასთან მატჩში მიღებული ტრავმის გამო. სრული შეხვედრა ვერ ჩაატარა სერხიო რომერომაც, რომელიც ესპანეთის ნაკრების წინააღმდეგ მატჩი დიეგო კოშტასთან შეჯახების შედეგად დაშავდა.

მისმა თანაგუნდელმა მარკოს როხომ კი 3 თებერვლის შემდეგ პირველად ითამაშა და მოსალოდნელია, რომ შაბათს თამაშს შეძლებს. ასევე მზად არის ანდერ ერერაც, რომელმაც აღნიშნა, რომ ვარჯიშები სრული დატვირთვით ჩაატარა, ფილ ჯონსი კი ინგლისის ნაკრებში ტრავმის გამო არ გამოუძახებიათ.

პოლ პოგბამ დარტყმა მიიღო რუსეთის ნაკრების წინააღმდეგ მატჩში, მაგრამ მოგვიანებით შესანიშნავი ჯარიმა გაიტანა და სრული შეხვედრაც ჩაატარა. იტალიასთან მატჩის მიწურულს კი ეშლი იანგმა მუხლი დაიზიანა და ვიმედოვნოთ, რომ ორივე მათგანი კარგად იქნება.

რა თქმა უნდა, ვინც დანამდვილებით ვეღარ დაეხმარება გუნდს, ეს ზლატან იბრაჰიმოვიჩია, რომელმაც კლუბი გამოიცვალა.

კარგ ფორმაში მყოფ "სუონსის" კი დააკლდებათ ანხელ რანხელი, ლეროი ფერი და უილფრიდ ბონი, ხოლო რენატუ სანჩესი თამაშს შეძლებს.

ჟოზე მოურინიო თავის პრესკოფერენციას პარასკევს გამართავს და უფრო დაწვრილებით ინფორმაციასაც გაავრცელებს.

წყარო: manutd.com