"მანჩესტერ იუნაიტედმა" "მანჩესტერ სიტის" პოლონელი ვუნდერკინდი მცველის, ლუკაშ ბეიგერისთვის ბრძოლაში აჯობა.

"იუნაიტედმა" 16 წლის შეძენა ჯერ კიდევ აგვისტოში გადაწყვიტა, როცა ბეიგერი აკადემიას ეწვია, ტრანსფერი კი იანვარში იქნა შეთანხმებული.

პოლონეთის 16-წლამდელთა ნაკრების წევრი "ლეხ პოზნანის" აკადემიის აღზრდილია და ეროვნულ ნაკრებში დებიუტი სექტემბერში ჰქონდა. ბეიგერი ნომინალურად ცენტრალური მცველია, მაგრამ მარჯვნივაც შეუძლია თამაში.

სექტემბერში "იუნაიტედმა" თავის სკაუტთა სისტემას პიოტრ სადოვსკი შემატა, რომელიც მანამდე სწორედ "ლეხ პოზნანში" მუშაობდა და საგულისხმოა, რომ მისი პირველი აღმოჩენა სწორედ ლუკაში იქნება.

"იუნაიტედის" აკადემიაში ნიკი ბატის თაოსნობით დიდი გადაწყობები მიმდინარეობს და 2016 წლის თებერვალში ბრაიან მაკკლერის ნაცვლად ბატის მისვლის შემდეგ გუნდს ისეთი ახალგაზრდები შეუერთდნენ, როგორებიც ტაჰიტ ჩონგი, ლი ო'კონორი, ნიშან ბარკერტი, მილენ ბაარსი, ჯოშუა ბოჰუი, ალიუ ტრაორე და არნაუ პუიგმალი არიან, მათ რიცხვს კი მალე პოლონელიც შეუერთდება.

წყარო: M.E.N.