UEFA-ს საკლუბო ტურნირების ახალი სამწლიანი წიკლის მომდევნო სეზონის დაწყებასთან ერთად წესებში ცვლილელებიც შევა.

წესებში მომხდარი ცვლილებები შეეხება ჩემპიონთა ლიგის, ევროპა ლიგისა და UEFA-ს თასის ტურნირებს და ძალაში შევა მომდევნო სეზონიდან:

- 2018/19 წლების სეზონიდან პლეი-ოფის მატჩებში გუნდებს უფლება მიეცემათ, მეოთხე ცვლილება გააკეთონ შეხვედრის დამატებით ტაიმში. ეს არ მოახდენს დანარჩენ სამ ცვლილებაზე გავლენას.

- UEFA-ს ჩემპიონთა ლიგისა და UEFA-ს ევროპა ლიგის ფინალებში, ისევე, როგორც UEFA-ს თასის მატჩში, გუნდებს უფლება მიეცემათ, 18-კაციანი განაცხადის ნაცვლად 23-კაციანი განაცხადი წარადგინონ და სათადარიგოთა სკამზე შვიდის ნაცვლად 12 ფეხბურთელი გაამწესონ - ეს კლუბის მწვრთნელებს სეზონის ყველაზე მნიშვნელოვანი მატჩისთვის უფრო მრავალრიცხოვანი არჩევანის გაკეთების უფლებას მისცემს.

- გარდა იმისა, რომ UEFA-ს ჩემპიონთა ლიგისა და UEFA-ს ევროპა ლიგის ჯგუფური ეტაპის დასრულების შემდეგ ფეხბურთელებს კლუბის გამოცვლა შეუძლიათ, მომდევნო სეზონიდან კლუბებს ასევე მიეცემათ უფლება, სამი ახალი ფეხბურთელი დაარეგისტრირონ ტურნირზე ყოველგვარი აკრძალვის გარეშე. ეს ნიშნავს, რომ კლუბის ახალწვეულს ისევე შეეძლება ახალი გუნდის მაისურით თამაში ევროპა ლიგასა და ჩემპიონთა ლიგაზე, როგორც ამას შიდა ჩემპიონატში აკეთებს.

წყარო: UEFA.com