"მანჩესტერ იუნაიტედის" მეკარე სერხიო რომერო იძულებული გახდა, ესპანეთთან მატჩში მოედანი 22-ე წუთზე დაეტოვებინა, რადგან დიეგო კოშტასთან შეჯახებისას ტრავმა მიიღო.
მადრიდის "ატლეტიკოს" ფორვარდმა ესპანელები დააწინაურა და სწორედ ამისთვის ხელის შესაშლელად კარიდან გამოსულ რომეროს შეეჯახა.
მეკარემ დაზიანების შემდეგ თამაშის გაგრძელება სცადა, მაგრამ ტრავმამ ამის საშუალება არ მისცა და მოედნის დატოვება მოუხდა.
თავის მხრივ კი კოშტასთვის საკმარისი აღმოჩნდა ადგილზე აღმოჩენილი სამედიცინო დახმარება, რის შედეგადაც მან კვლავ განაგრძო თამაში.
რომეროს ტრავმის სერიოზულობა ჯერჯერობით უცნობია და ასევე არ არის ცხადი, იქნება თუ არა "სუონსისთან" მატჩის განაცხადში.