"მანჩესტერ იუნაიტედის" მეკარე დავიდ დე ხეამ განაცხადა, რომ თავის სამშობლოში ვერ გრძნობს მისდამი ისეთივე პატივისცემას, როგორც ინგლისში.
27 წლის დავიდმა მადრიდის "ატლეტიკო" 2011 წელს დატოვა და "ოლდ ტრაფორდზე" გადაბარგდა, სადაც მსოფლიოს ერთ-ერთ საუკეთესო კიპერად იქცა.
დე ხეა მსოფლიო ჩემპიონატზეც დაიცავს თავისი მშობლიური ნაკრების კარს, ვინაიდან ლოპეტეგი მას ამჯობინებს ძირითად მეკარედ.
მას უკვე 27 მატჩი აქვს ჩატარებული ნაკრების მაისურით, მაგრამ აცხადებს, რომ ესპანეთში ისეთ პატივისცემას ვერ გრძნობს, როგორიც მისდამი ინგლისში ვლინდება.
"ინგლისში ჩემდამი სიმპათიასა და პატივისცემას ვგრძნობ, რაც აქ არ შეიმჩნევა. მაგრამ რამდენჯერაც ნაკრებში მოვდივარ, აქ სულ კეთილად არიან განწყობილნი და ეს ყველაზე მნიშვნელოვანია", - განაცხადა ესპანელმა.