სრულდება "მანჩესტერელთა" კარის დარაჯის დავიდ დე ხეას ირგვლივ აგორებული ჭორები, რომლის თანახმადაც, ესპანური გრანდი "მადრიდის რეალი" მის შესაძენად უკან არ დაიხევდა, და ადრე თუ გვიან მსოფლიოს მასშტაბით ერთ-ერთი საუკეთესო მეკარეს აუცილებლად გადაიბირებდა "იუნაიტედიდან" "სანტიაგო ბერნაბეუზე".

გარდა "მანჩესტერ იუნაიტედის" ხელმძღვანელობისა და სრულიად მენეჯმენტისა რომელთაც არ სურთ კიპერის ესპანეთში გაშვება, დღეს გავრცეკლებული ცნობით თავად ფეხბურთელმაც მკაცრი უარი განაცხადა "რეალში" გადასვლაზე.

Tribalfootball- ის თანახმად, "მანჩესტერელთა" პირველ ნომერმა, მადრიდელებს თავად განუცხადა, რომ მის ტრანსფერზე ფიქრი შეეწყვიტათ, რადგან "მანკუნიანელების" შემადგენლობაში თავს კარგად და ბედნიერად გრძნობს.

შეგახსენებთ, "რეალის" პრეზიდენტი ფლორენტინო პერესი დე ხეას გაფორმებსთან ყველაზე ახლოს 2015 წელს იყო. თუმცა მას შემდეგ მადრიდული კლუბი უშედეგოდ ცდილობს კიპერის გადაბირებას. როგორც ჩანს მადრიდელთა ოცნება ოცნებად რჩება.

დავიდს "წითელ ეშმაკებთან" კონტრაქტი 2019 წლის ივნისამდე აკავშირებს, სავარაუდოდ 27- წლის ფეხბურთელი "ოლდ ტრაფორდზე" დარჩება და ახალ კონტრაქტს მოაწერს ხელს.

წყარო: ukrainefootball