ხმამაღალი განცხადებები გავრცელდა ბრიტანულ პრესაში "იუნაიტედის" ჩილელი ფეხბურთელის ალექსის სანჩესის ირგვლივ. კერძოდ, Daily Mail- მა გაავრცელა ინფორმაცია თითქოს სანჩესი "იუნაიტედში" განდეგილივით იქცევა, კონტაქტში არ შედის ფეხბურთელებთან და გასახდელშიც მარტოსული ადამიანის ელფერი დაჰკრავს.
წყარომ იმაზეც ისაუბრა, რომ ჩილელი საჭმელსაც კი სხვებისგან განცალკევებით მიირთმევს. დღეს გავრცელებული ცნობით კი ეს ყველაფერი სიმართლეს არ შეესაბამება და ალექსისის მარტოობის მიზეზი სინამდვილეში სხვა რაღაც არის.
სანჩესი "იუნაიტედის" სავარჯიშო ბაზა "კარინგტონზე" რეგულარულად რჩება მარტო. ყოველდღიური გეგმიური ვარჯიშების შემდეგ ის დამატებით ნახევარი საათის განმავლობაში ვარჯიშობს, ხოლო ამ დროს კი დარტყმებში სავარჯიშოდ იყენებს.
ამ ყველაფრის შემდეგ "წითლების" შვიდიანი საშხაპეში შედის, ამ დროს კი მის თანაგუნდელებს ეს პროცედურები გავლილი აქვთ, საკვებიც მირთმეული აქვთ, და სახლისკენ მიემართებიან. სწორედ ამიტომ სანჩესს ამ ყველაფრის გაკეთება ბაზაზე მარტო უწევს.