ჟოზე მოურინიო აღმასრულებელ დირექტორ ედ ვუდვორდს მოსთხოვა, რომ ყველა შესაძლო ღონისძიება გაატაროს შემტევის გადასაბირებლად.
27 წლის კოშტა ამჟამად "იუვენტუსში" "ბაიერნიდან" იჯარის წესით ასპარეზობს და მის სახელს დიდი ხანია უკავშირებენ "იუნაიტედს".
"იუნაიტედის" ყოფილი მწვრთნელი ალექს ფერგიუსონი კოშტას ჯერ კიდევ "გრემიოსა" და მოგვიანებით დონეცკის "შახტარში" ასპარეზობის დროიდან აკვირდებოდა, მაგრამ ტრანსფერი არასდროს შემდგარა.
ახლა კი სავსებით შესაძლებელია, რომ ეს მოხდეს და "იუნაიტედი" დარწმუნებულია, რომ მომდევნო ზაფხულს მისი გადაბირება გამოუვა.
მიუხედავად იმისა, რომ "იუვენტუსში" დუგლასი კარგად ასპარეზობს და ტურინულ კლუბს მისი გამოსყიდვის უფლება აქვს, იტალიის ჩემპიონი ამ უფლებით არ ისარგებლებს და "იუნაიტედს" გზას გაუხსნის.