"ევერტონი" "მანჩესტერ იუნაიტედის" ცენტრალური მცველის, კრის სმოლინგის გადაბირებას გეგმავს.
სმოლინგის გრძელვადიანი პერსპექტივა "ოლდ ტრაფორდზე" ეჭვქვეშ დგას და "იუნაიტედი" მის შესახებ შეთავაზებების განხილვას აპირებს.
"ფულჰემის" ყოფილი მცველი "იუნაიტედის" ერთ-ერთი ყველაზე ძველი მოთამაშეა ამჟამინდელ შემადგენლობაში, მაგრამ თუკი გუნდს ახალი ფეხბურთელები შეუერთდებიან, მას ახალი კლუბის მოძებნა მოუწევს.
კრისის ამჟამინდელი კონტრაქტი 2019 წელს იწურება და ჯერ კიდევ არ ყოფილა მისი გახანგრძლივების შესახებ მოლაპარაკებების დაწყების მცდელობა.
წყარო იტყობინება, რომ "ევერტონი" ახლოდან აკვირდება სმოლინგის მდგომარეობას და გუნდმა სკაუტებიც კი გაგზავნა "ბრაიტონთან" ინგლისის თასის მატჩზე.
"კანფეტები" მომდევნო ზაფხულს სატრანსფერო ბაზარზე დაცვითი ფუნქციების მქონე ფეხბურთელების შეძენას ეცდებიან.
სემ ელერდაისი ზაფხულს ახალი ცენტრალური მცველების შეძენას და ფილ იაგიელკასა და ეშლი უილიამსის შეცვლას ეცდება.