ლონდონის "ჩელსიდან" შეძენილმა ნემანია მატიჩმა, პირველივე მატჩებიდან დაიწყო "იუნაიტედის" გულშემატკივრების გულების მოგება. მიმდინარე სეზონში ფაქტიურად შეუცვლელად ითამაშა თითოეულ მატჩში, და რამდენიმე დღის წინ "კრისტალ პალასის" კარში გამარჯვების მომტანი გოლიც გაიტანა, რომელიც სადებიუტო იყო მისთვის.

ნემანიას გარჯა დააფასეს სამშობლოშიც, გამოკითხვა რომელშიც სერბული სუპერ ლიგის კაპიტნები საუკეთესო სერბ მოთამაშეს ასახელებენ, მატიჩმა გაიმარჯვა. ნემანიასთვის აღნიშნული ჯილდო პირველია "იუნაიტედის" ფეხბურთელის რანგში, წარსულში როგორც "ჩელსის" მოთამაშეს კი ანალოგიური ჯილდო ორჯერ აქვს მიღებული.

მიმდინარე სეზონში მატიჩის ანგარიშზე "პრემიერ ლიგის" ეგიდით ჩატარებულ ოცდაათ შეხვედრაში ერთი გატანილი გოლი და ექვსი მიღებული ყვითელი ბარათია. ანდერ ერერას, მარუან ფელაინის, პოლ პოგბასა და მაიკლ კერიკის ტრამვების ფონზე, სწორედ მან აიღო ნახევარდაცვის დატვირთვა და საფეხბურთო ექსპერტების აბსოლიტური უმრავლესობის აზრით, მიმდინარე სეზონში "მანჩესტერ სიტის" შემდეგ ყველაზე ნაკლები, ოცდასამი გოლის გაშვების მიზეზი, დავიდ დეხეას შემდეგ, სწორედ ნემანიაა.

ამჟამად მატიჩი სერბეთის ეროვნული ნაკრების განკარგულებაშია და მსოფლიო ჩემპიონატისთვის უკანასკნელ ამხანაგურ მატჩებში იღებს მონაწილეობას.

წყარო : //m.vk.com/mufans