შიდა ჩემპიონატებში გამოცხადებული შესვენებისას, ფეხბურთელები საკუთარ ნაკრებებს დაუბრუნდნენ და ამხანაგურ მატჩებში მონაწილეობა მიიღეს. გოლით ამ დრომდე მხოლოდ ჯესი ლინგარდი გამოირჩა, რომელიც მისთვის ნაკრებში სადებიოტო იყო. ინგლისისა და ჰოლანდიის ეროვნულ ნაკრებებს შორის გამართული შეხვედრა ძირითადი შემადგენლობიდან ლინგარდის გარდა მარკუს რეშფორდმა დაიწყო, სათადარიგოთა შორის იყვნენ ეშლი იანგი და ტიმოთი ფოსუ-მენსა, ამ უკანასკნელს თამაშის საშუალება არ მისცემია.
სადებიუტო მატჩი ჩაატარა სკოტ მაკტომინიმ შოტლანდიის რიგებში, სკოტი სასტარტო თერთმეტეულში მოგვევლინა საპატიო შვიდ ნომრიანი მაისურით, ორმოცდამეთვრამეტე წუთამდე გაისარჯა და ადგილი თანამემამულეს დაუთმო, მატჩი კოსტა რიკელთა გამარჯვებით 0-1 დასრულდა.
წარუმატებელი გამოდგა ამხანაგური დაპირისპირება ნემანია მატიჩისთვისაც, მისი სერბეთი ეროვნული გუნდი მოულოდნელად დამარცხდა მაროკოსთან, მატჩი სრულად არც ნემანიას ჩაუტარებია, მოედანზე მხოლოდ 67 წუთი დაჰყო.
არგენტინისა და იტალიის პირველ გუნდებს შორის დაპირისპირებაში, სათადარიგოთა შორის ლიონელ მესის გარდა შევხვდებოდით სერხიო რომეროს, მარკოს როხოსა და მატეო დარმიანს, არცერთ მათგანს მოედანზე შესვლის და თავის გამოჩენის საშუალება არ მისცემიათ.
მხოლოდ სამოცდამეხუთე წუთზე გამოვიდა ცვლილებაზე პოლ პოგბა, რომელიც სათადარიგოთა შორის იყო ენტონი მარსიალთან ერთად, მიუხედავად იმისა რომ ფრანგები ორ ბურთიანი სხვაობით იყვნენ წინ, კოლუმბიელებმა მატჩის შემობრუნება შეძლეს და 2:3 იმარჯვეს.
ერთადერთი "იუნაიტედის" მოთამაშე რომელმაც მატჩი ძიტითადში დაიწყო და მოედანზე საფინალო სასტვენამდე იმყოფებოდა ეს დავიდ დე ხეა იყო, რომელმაც ამჯერად კარის მშრალად შენახვა ვერ შეძლო და გოლი ოცდამეთხუთმეტე წუთზე თომას მიულერისგან მიიღო.
წყარო : www.manutd.ru
სიახლეები
5 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.