ჩემპიონთა ლიგაზე "სევილიასთან" განცდილი სენსაციური მარცხის შემდეგ, "იუნაიტედის" ფეხბურთელებს შორის დაძაბული სიტუაცია განვითარდა.
კონფლიქტის მონაწილე ფეხბურთელებს შორის ფიგურირებს ალექსის სანჩესის გვარი, რომელმაც უკმაყოფილება ამ მატჩის შემდეგ თანაგუნდელების მიმართ გმოხატა.
ამ მატჩში "იუნაიტედის" მხრიდან ყველაზე ცუდი ფეხბურთელის სტატუსი სწორედ ჩილელმა მიიღო. The Sun- ის ცნობით, "წითლების" ფეხბურთელებმა ალექსისის მიმართ პრეტენზიები არ დამალეს და ჩილელ ფეხბურთელს უთხრეს, რომ ამ გუნდში იმაზე მაღალი დონის თამაშია საჭირო ვიდრე ამას "არსენალში" აკეთებდა, გარდა ამისა, სანჩესი დაცვაში უთამაშებლობის გამოც გააკრიტიკეს.
აქამამდე, ალექსის სანჩესმა საკუთარ სათამაშო ფორმაზე უკმაყოფილება გამოხატა და დაანონსა, რომ სანაკრებო დროს კლუბში ვარჯიშისთვის გამოიყენებდა. მიუხედავად იმისა, რომ ის ეროვნულ ნაკრებთან ერთად წასვლას არ გეგმავდა ამხანაგური შეხვედრებისთვის, 29- წლის ფეხბურთელი ნაკრებთან ერთად იმყოფება.