კლუბის ოფიციალურ ვებ-საიტმა დიდებული შვედი ფეხბურთელის კლუბიდან ოფიციალურად წასვლა დღეს დაადასტურა. ზლატანის კარიერა "ოლდ ტრაფორდზე" დასრულებულია.
არცთუ ისე დიდი ხნის მანძილზე იცავდა ზლატანი "იუნაიტედის" ღირსებას თუმცა მან ამ მცირე და მოკლე დროშიც შეძლო ამ კლუბის გულშემატკივრების გულის მოგება.
ვეტერან ფეხბურთელმა და ამჟამად უკვე მის ყოფილმა კლუბმა, ორმხრივი შეთანხმების საფუძველზე არსებული კონტრაქტი გაწყვიტეს, რაც იმას ნიშნავს რომ იბრაჰიმოვიჩი თავისუფალი აგენტის სტატუსით სარგებლობს.
ცნობილია მისი სავარაუდო კლუბი რომელშიც ზლატანი კარიერას გაგრძელებს. დიდი ალბათობით 36- წლის ფხბურთელი "ლოს ანჯელეს გალაქსის" ღირსებას დაიცავს.
თავდამსხმელი "მანჩესტერ იუნაიტედს" 2016 წელს შეუერთდა, ამ ხნის განმავლობაში მან "მანკუნიანელების" რიგებში 53 მატჩი ჩაატარა და თავი 29 გატანილი გოლით გამოიჩინა.