პოლ პოგბა აპირებს, რომ დიდიე დეშამს "მანჩესტერ იუნაიტედში" არსებულ თავის პრობლემებზე ესაუბროს.
ფრანგმა "იუნაიტედის" ბოლო 11 მატჩიდან მხოლოდ 4 დაიწყო სასტარტო შემადგენლობაში და ამის მიზეზი ზოგჯერ ავადმყოფობა, ზოგჯერ ტრავმა, ზოგჯერ კი მწვრთნელის გადაწყვეტილება იყო.
მსოფლიო ჩემპიონატის დაწყების წინ გასამართი ამხანაგური მატჩების დაწყებამდე დეშამმა იმედი გამოთქვა, რომ ნახევარმცველის პრობლემების შესახებ უფრო ზუსტი ინფორმაცია ექნება და პოგბა სწორედ ამის გაკეთებას აპირებს.
საფრანგეთი პარასკევს პარიზში კოლუმბიას დაუპირისპირდება და პოგბა და დეშამი ერთმანეთს მანამდე გაესაუბრებიან. 4 დღის შემდეგ კი დეშამის გუნდი სანკტ-პეტერბურგში რუსეთს შეხვდება.
"მამლების" მწვრთნელი აცნობიერებს, რომ პოგბას მდგომარეობა სახარბიელო არ არის და ამით კმაყოფილი ნამდვილად არ დარჩენილა.