ინგლისელი უნივერსალი, რომელიც კლუბს "ასტონ ვილადან" შეუერთდა და თავდაპირველად მხოლოდ შეტევითი ფუნქციებით იყო დაკავებული, "იუნაიტედში" მინიმუმ ერთი წლით კვლავ იასპარეზებს.
ფეხბურთელის კონტრაქტი, რომელიც 2018 წლის ივნისამდე იყო გაწერილი, ჰქონდა პუნქტი ერთი წლით ავტომატურად გაგრძელების შესახებ, სწორედ ეს პუნქტი გაააქტიურა "იუნაიტედის" სპორტულმა დირექტორმა ედ ვუდვორდმა და იანგის მომავალი გაარკვია.
ფეხბურთელი რომელიც მიმდინარე სეზონში ძირითადი თერთმეტეულის უცვლელ წევრად ჩამოყალიბდა მარცხენა მცველის პოზიციაზე, საკუთარი კარგი თამაშით ჟოზე მოურინიოს გარდა, გარეტ საუტგეიტის სიმპატიებსაც იმსახურებს და ინგლისის ეროვნულ ნაკრებშიცაა გამოძახებული. ჟურნალისტები ვარაუდობენ, რომ მოჰამედ სალაჰის წინააღმდეგ ჩატარებული კარგი თამაშის შემდეგ, ეშლის რუსულ მუნდიალზე მოხვედრის შანსები გაორმაგდა.
გასულ ზაფხულს იანგის შეძენით, ინგლისური "უოტფორდის" გარდა, ქვეყნის ფარგლებს გარეთ, კერძოდ ჩინეთშიც იყვნენ დაინტერესებული და "იუნაიტედის" დატოვების სანაცვლოდ მსუყე შეთავაზებასაც ამზადებდნენ, მაგრამ უშედეგოდ.
წყარო: dailymail.co.uk
სიახლეები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.