ასოციაციის თასის დაპირისპირებაში ხვალ, თბილისის დროით 23:45 სთ-ზე, "მანჩესტერ იუნაიტედი" საშინაო მოედანზე "ბრაიტონს" უმასპინძლებს. მატჩისწინა პრესკონფერენცია გამართა "წითლების" პორტუგალიელ დამრიგებელმა ჟოზე მოურინიომ, სადაც გულშემატკივრების მხრიდან წამოსულ კრიტიკაზეც ისაუბრა.
"მე არ ვაპირებ არსად გაქცევას, არ ვაპირებ მიწაზე დაცემას და ცრემლების ღვრას, როდესაც ჩემს მიმართ მსგავსი კრიტიკა მოდის. არ ვგეგმავ გვირაბში შესვლას და სადმე გაქრობას. შემდეგ შეხვედრაში მე ვიქნები პირველი, ვინც მოედანზე გამოვა. არ მეშინია ჩემი პირდაპირი მოვალეობების შესრულების.
როდესაც 20- წლის ვიყავი, ფეხბურთში მე არავინ არ ვყოფილვარ. ამჟამად 55- ის ვარ და ვინ გავხდი მე? ყველაფერი რასაც მე მივაღწიე მძიმე სამუშაოს ფასად, ნიჭის და მენტალიტეტის ფასად.
გულშემატკივარი არის გულშემატკივარი ვთვლი, რომ მათი რეაქცია სრულიად მისაღები და სამართლიანია, მაგრამ მათ შორის არიან ისეთები ვისაც ესმით "საფეხბურთო მემკვიდრეობის".- განაცხადა პორტუგალიელმა.