სულ უფრო აქტიურად იწერება "იუნაიტედის" ფრანგი შემტევის ენტონი მარსიალის კლუბიდან წასვლის შესახებ. მისი შეძენის მთავარი პრეტენდენტი კლუბი "ტურინის იუვენტუსია". იტალიელები ფეხბურთელის შესაძლო გადაბირებაზე სერიოზულად მუშაობენ.

თავის მხრივ როგორც ჩანს "წითელი ეშმაკები" ფეხბურთელის კლუბიდან წასვლის წინააღმდეგი არ არიან. მათ იტალიურ კლუბს სატრანსფერო ღირებულებაც დაუსახელეს.

"ბებერი ქალბატონის" ვიცე-პრეზიდენტი პაველ ნედვედი, პირადად ჩავიდა ინგლისში და ფეხბურთელის წარმომადგენლებს შეხვდა. შეხვედრა ლონდონში შედგა. ამ დღეს ტურინული კლუბი ჩემპიონთა ლიგაზე "ტოტენჰემს" დაუპირისპირდა.

მოლაპარაკების მთავარი დამაბრკოლებელი თემა, გლეიზერების გუნდის მიერ დასახელებლი თანხაა, რომელსაც ისინი ენტონი მარსიალის სანაცვლოდ ითხოვენ. სატრანსფერო ღირებულებად კი 65 მილიონი ევრო სახელდება. ტურინელებს აღნიშნული ფასი ფეხბურთელის სანაცვლოდ გადამეტებულად მიაჩნიათ.



წყარო: euro-football