ანდალუსიელებთან სენსაციური მარცხის შემდეგ, კომენტარი "იუნაიტედის" კიდევ ერთ წარსულში ცნობილმა ფეხბურთელმა რიო ფერდინანდმა გააკეთა და ჟოზე მოურინიოს შეგირდების მიმართ კრიტიკა გამოხატა.
შეგახსენებთ, "მანჩესტერ იუნაიტედი" ჩემპიონთა ლიგის" წლევანდელ სეზონს, მერვედფინალური ეტაპის განმეორებითი შეხვედრიდან დაემშვიდობა. მოურინიოს შეგირდებმა "ოლდ ტრაფორდზე" ესპანურ კლუბს "სევილიას" უმასპინძლეს და ანგარიშით 1-2 დამარცხდნენ.
"იუნაიტედის" ფეხბურთელები გამოიყურებოდნენ ისე თითქოს ისინი ერთმანეთისთვის სრულიად უცნობები იყვნენ, თითქოს მათ აქამდე ერთმანეთის გვერდით მატჩები არ ჩაეტარებინოთ. მოთამაშეები ნერვიულად მოქმედებდნენ.
მათ, ფანებს ვერაფერი შესთავაზეს. პირიქით, თამაში რომელიც მოურინიოს გუნდმა აჩვენა, გულშემატკივრებში გაბრაზება და გულისწყორმა გამოიწვია. სტადიონი ჩუმად იყო, ამაში დამნაშავეები მხოლოდ "იუნაიტედის" ფეხბურთელები არიან".- ციტირებს the Mirror- ლეგენდარული მცველის სიტყვებს.