ჩემპიონთა ლიგის მერვედფინალური მატჩის წინ "სევილიას" მთავარი მწვრთნელი ვინჩენცო მონტელა "იუნაიტედის" დამრიგებელ ჟოზე მოურინიოს მიმართ საქებარ სიტყვებს არ იშურებს.
რას იტყვით "იუნაიტედის" შესახებ?
"ეს გუნდი დაკომპლექტებულია ტექნიკური და ძლიერი ფეხბურთელებით. მათი მწვრთნელი ძალიან ყურადღებით ამზადებს გუნდს ჩვენ წინააღმდეგ, მათთან დაპირისპირება ძალიან რთული იქნება.
თუ მათ შემადგენლობას გადავხედავთ, გუნდში არიან ისეთი ფეხბურთელები რომლებიც კარგად იცნობენ ამ ტურნირს, მაგალითად მათი ახალწვეული ალექსის სანჩესი. მოურინიომ კი ჩემპიონთა ლიგის არაერთხელ მოგება შეძლო.
მოურინიოს შესახებ
მოურინიო ყურადღებას ყოველთვის იქცევდა მისი ხასიათის გამო. მას თავისი სტილი აქვს. ალბათ ის არის ერთ-ერთი პირველი მწვრთნელი, რომელსაც შეუძლია მოთამაშეების გონებაში შევიდეს და მათ თამაშის საკუთარი სტილი შთააგონოს. ეს მნიშვნელოვანია, ფეხბურთელები ამ დროს ცდილობენ მაქსიმალურად გაზარდონ თავიანთი თავი. სწორედ ამ გაგებით, მოურინიოს თამამად ვუწოდებ მწვრთნელ-რევოლუციონერს".- განაცხადა დასასრულს მონტელამ.