"მანჩესტერ იუნაიტედის" ნახევარმცველი სკოტ მაკტომინეი შოტლანდიის ეროვნულ ნაკრებში პირველად გამოიძახეს.

21 წლის ფეხბურთელი ალექს მაკლიშმა შოტლანდიის მეორეჯერ ჩაბარების შემდეგ გამოიძახა კოსტა რიკისა და უნგრეთის ნაკრებების წინააღმდეგ ამხანაგურ მატჩებში სათამაშოდ.

სკოტი, რომელიც "იუნაიტედში" 5 წლიდან ირიცხება, ლანკაშირში, ინგლისში დაიბადა, მაგრამ შოტლანდიური ფესვები აქვს, ვინაიდან მამამისი წარმოშობით გლაზგოდან არის.

მისი დებიუტი შოტლანდიელთა რიგებში 23 მარტს არის დაგეგმილი კოსტა რიკელებთან, 4 დღის შემდეგ კი ბუდაპეშტში უნგრეთს დაუპირისპირდება.