პრემიერ ლიგის 30-ე ტურის ცენტრალურ შეხვედრაში "მანჩესტერ იუნაიტედმა" "ლივერპულს" უმასპინძლა, სადაც მეტოქე 2-1 დაამარცხა. აღნიშნულ შეხვედრაში დუბლის შესრულება მარკუს რეშფორდმა მოახერხა, რომელმაც მეტოქის კარი მე-14 და 24-ე წუთებზე აიღო.
ინგლისელი ფორვარდი "მანჩესტერ იუნაიტედის" ისტორიაში ყველაზე ახალგაზრდა ფეხბურთელი გახდა, რომელმაც პრემიერ ლიგის შეხვედრაში "ლივერპულის" კარში დუბლის შესრულება შეძლო.
20 წლის ფეხბურთელმა ტოპ ექვსეულის წინააღმდეგ მატჩებში დარტყმების 29% გოლად აქცია. აღსანიშნავია, რომ ახალგაზრდა ინგლისელმა პრემიერ ლიგაში მისი 15 გოლიდან 6 სწორედ ტოპ ექვსეულის კარში აქვს გატანილი.
რეშფორდის დებიუტი "იუნაიტედის" პირველ გუნდში “მიდტიულანდთან” მატჩში ჰქონდა, სადაც კლუბმა 5-1 დაამარცხა მეტოქე. შეხვედრაში ფორვარდმა კარში სამჯერ დაარტყა და ორი გოლი გაიტანა. ამავდროულად ინგლისელის აკურატულობა 84%-ით შეფასდა.
წყარო: Opta
ახალი ამბები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.