ჩემპიონთა ლიგის მერვედფინალური წყვილების მეორე ტურის მატჩები 13 მარტს აიღებს სტარტს. "ოლდ ტრაფორდზე" ერთმანეთს ანდალუსიის "სევილია" და "მანჩესტერ იუნაიტედი" დაუპირისპირდებიან. ამ წყვილის პირველი შეხვედრა ესპანეთში ნულოვანი ფრით დასრულდა.
საკადრო პრობლემები ორივე გუნდის შემადგენლობაში შეიმჩნევა. როგორც ესპანური კლუბის ოფიციალური ვებ-საიტი იუწყება, "ანდალუსიელების" ლაზარეთს კიდევ ერთი მნიშვნელოვანი ფეხბურთელი, გამოცდილი ნახევარმცველი ხესუს ნავასი შეუერთდა. ესპანელის თამაში ინგლისში ძალზედ საეჭვოა.
ნავასმა ტრავმა, ლა ლიგის 25- ტურის შეხვედრაში, მადრიდული კლუბის "ატლეტიკოს" წინააღმდეგ მიიღო. მას შემდეგ 32- წლის ფეხბურთელს ესპანეთის ჩემპიონატის მომდევნო ტურის გაცდენაც მოუწია. წყაროს ცნობით, მას ბარძაყთან დაკავშირებული ტრავმა აწუხებს.
რაც შეეხება ლიგის დაპირისპირებას, მატჩი სტარტს 13- მარტს თბილისის დროით 23:45 სთ-ზე აიღებს სტარტს.