პრემიერ ლიგის 30- ე ტურში, ერთმანეთს პრინციპული მეტოქეები დაუპირისპირდებიან. "ოლდ ტრაფორდზე" ჟოზე მოურინოს "იუნაიტედი", იურგენ კლოპის "ლივერპულს უმასპინძლებს. დღის ცენტრალური მატჩი, თბილისის დროით 16:30 სთ- ზე აიღებს სტარტს.
"წითლების" განკარგულებაში დაბრუნდა, ტრავმამოშუშებული ერიც ბაილი, რომელიც სათამაშოდ მზადაა. ლაზარეთი დატოვა ასევე ბელგიელ ნახევარმცველმა მარუან ფელაინიმ. თუმცა "ოიუნაიტედის" გულშემატკივრებისთვის ამ სასიხარულო ცნობებს, ზედ უარყოფითი ნიუსიც ერთვის.
როგორც ცნობილი გამოცემა ESPN- იუწყება, ფრანგ შემტევ ნახევარმცველმა, გუშინ კარინგტონზე გამართულ სავარჯიშო სესიაზე მცირე დაზიანება მიიღო და ვარჯიშის ბოლომდე დასრულება ვერ შეძლო.
წყაროს ცნობით, ფეხბურთელის საბოლოო შეფასება დღეს მოხდება, აქედან გამომდინარე ექიმები დაასკვნიან, შეძლებს თუ არა 24- წლის ფეხბურთელი პრინციპულ დაპირისპირებაში მონაწილეობის მიღებას.