ედ ვუდვორდმა თავისი პოზიცია დააფიქსირა.
"მანჩესტერ იუნაიტედის" ხელმძღვანელობა სრულ მხარდაჭერას უცხადებს ჟოზე მოურინიოს მენეჯმენტში და ეს გამოიხატება ფილოსოფიაში - "მწვრთნელის გზით ან შორს".
პორტუგალეილმა ახლახანს გააფორმა ახალი კონტრაქტი, რომლის მიხედვითაც "ოლდ ტრაფორდზე" 2020 წლამდე იმუშავებს, მაგრამ ეს არ არის ერთადერთი გზა, რითაც ხელმძღვანელობამ მას მხარდაჭერა გამოუცხადა. აღმასრულებელი დირექტორი ედ ვუდვორდი სრულიად ემხრობა მოურინიოს მიდგომებს როგორც სატრანსფერო ბაზარზე, ასევე ფეხბურთელებთან დამოკიდებულებაში.
სანამ პოლ პოგბასთან დაკავშირებული მდგომარეობა განხილვის საგნად რჩება ფრანგის სათადარიგოთა სკამზე დატოვებისა და საჯაროდ კრიტიკის შემდეგ, ცნობილი გახდა, რომ "იუნაიტედის" წარმომადგენლები მოურინიოს ნებისმიერ სამომავლო კონფლიქტში დაუდგებიან გვერდით.
ეს კი მოხდება იმის ფონზე, რომ პოგბა ითვლება კლუბის ყველაზე კომერციულად შემოსავლიან ფეხბურთელად და ყველაზე ძვირადღირებულ მოთამაშედ. მას და გუნდის დანარჩენ წევრსაც ცხადად აცნობეს, რომ ან გაითვალისწინებენ მწვრთნელის მოთხოვნებს, ან დატოვებენ კლუბს.
ვუდვორდი მოურინიოს დამოკიდებულების თაყვანისმცემლად იქცა. პორტუგალიელი კი ზაფხულში ბევრ ცვლილებებს გეგმავს და ნემანია მატიჩს სხვებისთვის სამაგალითო ფეხბურთელად მიიჩნევს. მისი აზრით, სერბის დისციპლინა და პასუხისმგებლობის გრძნობა ნებისმიერი სატრანსფერო სამიზნისთვის მისაბაძი უნდა იყოს.
წყარო:
independent