ენტონი მარსიალისთვის "მანჩესტერ იუნაიტედისა" და "ლივერპულის" მატჩის ყოველთვის იქნება დასამახსოვრებელი მომენტი, ვინაიდან სწორედ ამ შეხვედრასი გაიტანა მან 2015 წელს პრემიერ ლიგაში სადებიუტო გოლი.

მარსიალმა იმჟამად თავისი ახალი კლუბის ისტორიულ მეტოქესთან "სტრეტფორდ ენდის" წინ გატანილი შესანიშნავი გოლით გააცნო თავი "ოლდ ტრაფორდს". შაბათის მატჩის წინ "იუნაითედ რევიუსთვის" მიცეცმულ ინტერვიუში ფრანგი ამ მომენტს იხსენებს.

"რა თქმა უნდა, ეს დიდი მატჩი იყო ჩემთვის და ჩემი გუნდისთვის. ვფიქრობ, ეს ჩემი ყველაზე მნიშვნელოვანი გოლია. ეს არის გოლი, რომელმაც ხმამაღლა გამოაცხადა ჩემი მოსვლა და გოლი, რომელმაც გამიადვილა "იუნაიტედში" მოსვლისთანავე თავის დამკვიდრება".

"წითლების" რიგებში გატარებულ თავის პირველ სეზონში მარსიალი გუნდის საუკეთესო ბომბარდირი გახდა ყველა ტურნირზე გატანილი 17 გოლით და მოიგო 2015 წლის სექტემბრის თვის საუკეთესო ფეხბურთელის ჯილდო. მომდევნო სეზონი კი უფრო რთული გამოდგა და მასში ფრანგმა მხოლოდ 4 გოლი გაიტანა ჩემპიონატის მასშტაბით, მაგრამ მიმდინარეში მან დაიბრუნა თავდაჯერებულობა და მის ანგარიშზე უკვე 9 გოლია.

"წელს კარგი სეზონი მაქვს, მაგრამ ჩემზეა დამოკიდებული ასევე გაგრძელება და გაუმჯობესება. ვფიქრობ, იანვარსა და თებერვალში კარგად ვითამაშე. ბოლო დროს უფრო იშვიათად ვთამაშობ, მაგრამ თავს კარგად ვგრძნობ."

მარსიალმა ასევე განაცხადა, რომ შეიძლებოდა, მატჩი გამოეტივებინა, დღეს კი ჟოზე მოურინიომ დაადასტურა, რომ ის არ ითამაშებს, თუმცა შეხვედრის ყურებაში ენტონის არაფერი უშლის ხელს, მითუმეტეს, რომ ამას ჯერ კიდევ საფრანგეთში აკეთებდა.

"ყოველთვის ვიცოდით, რომ "იუნაიტედისა" და "ლივერპულის" მატჩი დიდი დერბი იყო. ეს მართლაც არის შეხვედრა, სადაც არსებობს დამატებითი მუხტი, დამატებითი მოტივაცია და ბევრი გოლიც."

თუ დავუბრუნდებით მომდევნო შეხვედრას, ორივე გუნდი ერთმანეთის სიახლოვეს იმყოფება სატურნირო ცხრილში და სხვაობა მხოლოდ 2 ქულაა. მარსიალი აცნობიერებს, რომ რთული ტესტი ელის გუნდს და ჟურნალს განუცხადა: "ლივერპული" ახლა შესანიშნავ ფორმაში იმყოფება, მატ შესანიშნავი შემტევი ფეხბურთელები ჰყავთ.

ჩვენი მოვალეობა მათზე თვალის დევნება და შემდეგ ჩვენი თამაშის ჩვენება იქნება, რადგან ნებისმიერ გუნდის წინააღმდეგ შეგვიძლია პრობლემის შექმნა.

ეჭვგარეშეა, რომ გამარჯვება ჩვენთვის დიდი მოვლენა იქნება. და რაც უფრო მნიშვნელოვანია, ჩვენ "ოლდ ტრაფორდზე" ვთამაშობთ და გულშემატკივარი მუხტს მოგვცემს, ასე რომ, თუკი გავიმაჯრვებთ, კარგადაც აღვნიშნავთ".

წყარო: manutd.com