ჟოზე მოურინიომ უპასუხა "მანჩესტერ იუნაიტედის" თავდასხმელის, რომელუ ლუკაკუს სიტყვებს, რომელმაც თქვა, რომ მოედანზე პორტუგალიელის სერჟანტია.

ბელგიელი მიმდინარე კვირაში "სქაი სპორტსს" ესაუბრა და განაცხადა: "ვფიქრობ, მწვრთნელი თავის ფიქრებში თვლის, რომ მოედანზე მისი სერჟანტი ვარ და ეს ცოტა უცნაურია, რადგან, როგორც წესი, ამ როლს ნახევარმცველები ასრულებენ.

ყოველთვის ბევრს ვშრომობ და მადლიერი ვარ, მაგრამ ასე თუ ისე, მე მაინც თავდამსხმელი ვარ და გოლები უნდა გავიტანო. ის ძალიან კარგი იყო და ვფიქრობ, იცის, რომ ჯარისკაცის მენტალიტეტი მაქვს".

ამის შემდეგ უკვე მწვრთნელს ჰკითხეს, თუ რას ფიქრობდა ლუკაკუ, რომელიც "ლივერპულთან" მატჩში თავისი მე-100 გოლის გატანას ეცდება პრემიერ ლიგაში.

"არ ვიცი. მის ნათქვამზე გამეცინა. ჩემთვის მნიშვნელოვანი ბიჭია. ერთ-ერთი იმათგანია, ვისაც ვენდობი, ვისი შეხედულებები და ხასიათიც მომწონს.

"კრისტალ პალასის" წინააღმდეგ მესამე გოლის შემდეგ არაფერი მომხდარა, მაგრამ ვუთხარი, "ცენტრალურ მცველად" და ისიც მესამე გოლის შემდეგ დაცვაში გადავიდა და სმოლინგსა და ლინდელეფთან ერთად დაცვის ხუთეულის ხაზში თამაშობდა, რადგან მეტი ცვლილებები აღარ მქონდა დარჩენილი.

ასე რომ, როცა თავდამსხმელს ვეუბნები, იქ ჩადი და ჩემთვის საქმე გააკეთე-მეთქი, მართლაც სერჟანტი გამოდის. ის არის ადამიანი, ვისი ნდობაც შეიძლება, მას ფენომენალური მიდგომა აქვს.

ამიტომაც იყო, რომ ამდენჯერ გითხარით, ჩემთვის მნიშვნელოვანი არ არის, გაიტანს თუ არა, უფრო მნიშვნელოვანია მისი წვლილი გუნდში და თუ რა მოაქვს გუნდისთვის, მას კი მოაქვს სულისკვეთება". - განაცხადა მოურინიომ.

წყარო: manutd.com