"მანჩესტერ იუნაიტედის" მთავარი მწვრთნელი ჟოზე მოურინიო აცხადებს, რომ "ლივერპულთან" დაპირისპირება მისთვის მორიგი ჩვეულებრივი მატჩია, რომელშიც უნდა გაიმარჯვოს.
"იუნაიტედი" შაბათს "ოლდ ტრაფორდზე" უმასპინძლებს ისტორიულ მეტოქეს და ეს იქნება მე-200 დაპირისპირება ყველა ტურნირზე.
ოდესღაც ჩემპიონობისთვის მებრძოლი გუნდები ამჯერად ურთიერთშეხვედრაში მეორე ადგილოსნის ვინაობას გაარკვევენ, თუმცა "წითლების" პორტუგალიელი მწვრთნელი მატჩს მხოლოდ ერთ ჩვეულებრივ შეხვედრად მიიჩნევს.
"ჩემს მენტალიტეტში ყველა მატჩი ერთნაირი. ამ კულტურაში არც ისე კარგი ვარ - "ეს მატჩი განსაკუთრებულია, ის მატჩი განსაკუთრებულია". ამაში კარგი არასდროს ვყოფილვარ. არასდროს ჩამითვლია "მილანი" მთავარ მეტოქედ, არასოდეს შემიხედავს "ატლეტიკოსთვის" მტერივით, არასოდეს ჩამითვლია "ტოტენჰემი" ან "არსენალი" დიდ მეტოქეებად, ამაში კარგი არ ვარ.
ჩემთვის ეს უბრალოდ დიდი მატჩია, ორი ისტორიული კლუბი არა მარტო ინგლისში, არამედ მსოფლიოშიც. ამჟამად ოთხეულში მნიშვნელოვანი ქულები თამაშდება, მეორე ადგილისთვისაც მნიშვნელოვანი ქულები თამაშდება, მეორე ადგილი კი უკეთესია, ვიდრე მესამე და მეოთხე. არც ახლა მიმაჩნია გარკვეული მეტოქეები განსაკუთრებულ მოწინააღმდეგეებად. ეს უბრალოდ დიდი მატჩია, რადგან მასში ორი დიდი გუნდი მონაწილეობს".
ინტერვიუები
7 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.