ჟოზე მოურინიომ გულშემატკივრებს მოუწოდა, სათანადო მხარდაჭერა აღმოუჩინონ გუნდს, როცა შაბათს "ოლდ ტრაფორდს" "ლივერპული" ეწვევა.
"იუნაიტედის" გულშემატკივრები ქვეყნის ერთ-ერთ ყველაზე გამოურჩეულ მხარდამჭერებად ითვლებიან და მათი გულშემატკივრობა "კრისტალ პალასთან" მატჩში, როცა "წითლები" 0-2 მარცხდებოდნენ, ამის ერთ-ერთი დასტურია.
მოურინიოს შეგირდებმა მატჩი 3-2 მოიგეს და ნემანია მატიჩმა ფანებს დაუვიწყარი ემოციები აჩუქა 91-ე წუთზე გატანილი გამაჯრვების გოლით.
"იუნაიტედმა" ფრედ დაასრულა "ლივერპულთან" პრემიერ ლიგაში ჩატარებული ბოლო 3 მატჩი, ხოლო ყველა ტურნირზე ბოლო 5 მატჩში არ გაუმარჯვია და მოურინიოს იმედი აქვს, რომ გულშემატკივართა მხარდაჭერით ამ სერიას შეწყვეტს.
"ეს გეხმარება. წარმომიდგენია, "კრისტალ პალასთან" 2-0 ვაგებდით და ჩვენი გულშემატკივრები გასვლაზე, რამდენი იყვნენ? 2 ათასი? შეიძლებოდა გვეგრძნო უპატივცემულობა, კრიტიკა ან მხარდაჭერა.
2-0 ვაგებდით და მხარდაჭერას ვგრძნობდით, 2-1 და - რწმენას, 2-2 ანგარიშზე კი მივხვდით, რომ სურდათ, კიდევ შეგვეტია. მათ დახმარება შეუძლიათ. "ოლდ ტრაფორდზე" გულშემატკივართა აურაცხელი რაოდენობაა, ასე რომ, დახმარება შეუძლიათ", - განაცხადა მოურინიომ.