პრესის მიერ გავრცელებული ცნობების თანახმად, შეიძლება ითქვას, რომ მადრიდის "ატლეტიკოს" ფრანგი შემტევი ანტუან გრიზმანი, მომავალ სეზონში კარიერას კატალონიის "ბარსელონაში" გააგრძელებს.
თუმცა, Don Balon- ს თუ დავუჯერებთ, შეთანხმება კატალონიურ კლუბსა და მადრიდულ კლუბს შორის ჯერ კიდევ არ მიღწეულა. თავის მხრივ კი ინგლისური გრანდი "მანჩესტერ იუნაიტედი" ფეხბურთელის გადმობირებას და "ოლდ ტრაფორდზე" გადმოყვანას ეცდება.
ზემოაღნიშნული წყაროს მტკიცებით, "წითელი ეშმაკების" პოტუგალიელ მენტორმა, კლუბის ხელმძღვანელობას, გრიზმანის შეძენისთვის აქტიური მოლაპარაკებების გამართვა სთხოვა.
რაც შეეხება ანტუანის სატრანსფერო ღირებულებას, მისი ხელშეკრულების გამოსასყიდი თანხა 100 მილიონ ევროს შეადგენს. მიმდინარე სეზონში, გრიზმანის ანგარიშზე, ლა ლიგაში ჩატარებულ შეხვედრებიდან 15 გოლი და 7 საგოლე გადაცემა ირიცხება.