"მეთოფეები" ალექსისის წასვლით უკმაყოფილონი არიან.
ზამთრის სატრანსფერო ფანჯარა, "ლონდონის არსენალის" ჩილელი ფეხბურთელის კარიერაში სიახლის მომტანი აღმოჩნდა. კერძოდ, მან გუნდი შეიცვალა და "ოლდ ტრაფორდზე" გადაბარგდა. ფაქტია, რომ ვენგერის გუნდი ამ ტრანსფერით მნიშვნელოვნად დაზარალდა და ეს არამარტო სატურნირო ცხრილზე არამედ ფეხბურთელების ფსიქოლოგიურ მდგომარეობაზეც აისახა.
როგორც ცნობილი გამოცემა ESPN- წერს, ლონდონური გუნდის გულშემატკივრები ძალიან უკმაყოფილოები არიან სანჩესის ამ გადაწყვეტილებით. კონკურენტი გუნდის ასე გაძლიერება მათი თქმით სანჩესის მხრიდან არ იყო სწორი გადაწყვეტილება. ამას ემატება ისიც, რომ ალექსისი გუნდში დიდი ავტორიტეტით სარგებლობდა.
ამ ყველაფერმა "მეთოფეებზე" ემოციურად ძალიან იმოქმედა. სანჩესი, თავის მებრძოლ ხასიათს ყოველთვის ავლენდა, როგორც მოედანზე, ისე გასახდელშიც. მას ფეხბურთელებისთვის მაგალითის მიცემა შეეძლო, ამ ყველაფრის მოშლამ და ჩილელის წასვლამ ვენგერის გუნდში დიდი უკმაყოფილება გამოიწვია.
შეგახსენებთ, ზამთრის სატრანსფერო ფანჯარაზე, სანჩესმა "იუნაიტედს" მიაშურა. შეთანხმება ორი ფეხბურთელის გაცვლით დადასტურდა, ხოლო "იუნაიტედმა" თავის მხრივ, ლონდონურ კლუბში სომეხი ფეხბურთელი ჰენრიკ მხითარიანი გაუშვა.
წყარო:
euro-football