"აიაქსის" ვარსკვლავმა ჯასტინ კლუივერტმა გაამხილა, თუ რა უთხრა "მანჩესტერ იუნაიტედის" მწვრთნელმა ევროპა ლიგის ფინალის შემდეგ.
ახალგაზრდა კლუივერტი, ლეგენდარული ჰოლანდიელის, პატრიკის შვილი, სათადარიგოთა სკამზე მოხვდა სტოქჰოლმში გამართულ ფინლზე.
მიუხედავად იმისა, რომ კლუივერტი დამარცხებული გუნდის მხარეს თამაშობდა, მოურინიოსა და მას შორის მატჩის შემდეგ გულთბილი საუბარი შედგა. პორტუგალიელი "ბარსელონაში" ჯერ კიდევ იმ დროს მუშაობდა, როცა ჯასტინის მამა იქ თამაშობდა.
მოურინიოსთან მის საუბარზე კომენტარის გაკეთებისას განაცხადა: "მითხრა, რომ გაუხარდა ჩემთან შეხვედრა ამდენი ხნის შემდეგ, რადგან ბავშვობიდან მიცნობს. და ასევე მითხრა, რომ უხაროდა ჩემი კარგი თამაში".