"მანჩესტერ იუნაიტედმა" თავის სატრანსფერო სამიზნეთა სიას "უოტფორდის" ფეხბურთელი აბდულაიე დუკურე დაამატა.
"იუნაიტედი" ნახევარმცველით დაინტერესებულ ისეთ გუნდებს შეუერთდა, როგორებიც "ლივერპული", "ტოტენჰემი" და "არსენალი" არიან.
"ოლდ ტრაფორდის" მკვიდრები ფრანგს შაბათს "ვესტ ბრომთან" გამართულ მატჩში აკვირდებოდნენ. მათი ინტერესი კი იმით არის გამოწვეული, რომ ჟოზე მოურინიო ზაფხულში ორი ცენტრალური ნახევარმცველის დამატებას გეგმავს.
მაიკლ კერიკი სეზონის ბოლოს კარიერას დაასრულებს, ხოლო მარუან ფელაინი კლუბის დატოვებას აპირებს. დუკურე კი სწორედ მათ შემცვლელად მოიაზრება.
ფრანგის ანგარიშზე მიმდინარე სეზონში "უოტფორდის" შემადგენლობაში ჩატარებული 30 მატჩი და 7 გოლია, რითაც კლუბის ბომბარდირი გახდა.
მოურინიოს დაინტერესება დუკურემ ამ სტატისტიკის გარდა თავისი ათლეტურობით, დინამიურობითა და ტექნიკური უნარებით გამოიწვია.