მიუხედავად ჟოზე მოურინიოს განცხადებისა, რომ "მანჩესტერი" ზაფხულის სატრანსფერო ფანჯარაზე შეტევ ფეხბურთელს არ იყიდდა და ყურადღებას დაცვასა და ნახევარდაცვაზე გაამახვილებდა, დღეს სრულიად საპირისპირო ინფორმაციამ გაიჟღერა პრესაში.
ტურინის "იუვენტუსის" სამხრეთ ამერიკელი თავდამსხმელი პაულო დიბალა, მოურინიოს ინტერესის სფეროში მოხვდა და "იუნაიტედი" მასზე დაკვირვებას გააგრძელებს. მოგეხსენებათ ხვალ ჩემპიონთა ლიგის საპასუხო მერვედფინალური დაპირისპირება "ტოტენჰემსა" და"იუვენტუსს" შორის გაიმართება.
როგორც TMW- იუწყება "იუნაიტედი" "უემბლიზე" სკაუტს გაგზავნის რათა დაკვირვება სწორედ დიბალაზე მოხდეს. გარდა მოურინიოს გუნდისა, 24- წლის ფეხბურთელით კიდევ რამოდენიმე გრანდი ინტერესდება. კერძოდ, "ბარსელონა" და "მადრიდის რეალი" შეეცდებიან დიბალას გადაბირებას.
მიმდინარე სეზონში პაულოს ანგარიშზე, ყველა ჩატარებულ შეხვედრაში 18 გოლი და სამი საგოლე გადაცემა ირიცხება. რაც შეეხება მის კონტრაქტს "ბებერ ქალბატონთან" ის 2022 წლამდეა გათვლილი.