კრის სმოლინგმა "კრისტალ პალასთან" გამარჯვება "მანჩესტერ იუნაიტედის" გულშემატკივრებს მიუძღვნა.
"წითლებმა" "სელჰერსტ პარკზე" შესანიშნავი ქამბექი განახორციელეს და ამაში უშუალო მონაწილეობა მიიღო ნემანია მატიჩმა, რომელმაც მსაჯის მიერ დამატებულ დროში გამარჯვების გოლი გაიტანა და გულშემატკივართა აზრით მატჩის საუკეთესო ფეხბურთელადაც დასახელდა.
დაახლოებით 2000 გულშემატკივარმა გადალახა 500 მილზე მეტი იმისათვის, რომ ნემანია მატიჩის პირველი გოლი ეხილა "იუნაიტედის" შემადგენლობაში.
სმოლინგს, რომელმაც ქამბექი თავისთვის სეზონის მეორე გოლით დაიწყო, მიაჩნია, რომ ეს გამარჯვება ფანებს ეძღვნებოდათ.
"თქვენც იხილეთ ემოციები, როცა მატჩის მიწურულს გულშემატკივრებთან ერთად აღვნიშნავდით. დიდი ხანი გავიდა მას შემდეგ, რაც ასეთი ქამბექი მოვახდინეთ და ეს დიდებული შეგრძნება იყო. ვფიქრობ, გულშემატკივრებმა ეს დაიმსახურეს".
შეხვედრის 48-ე წუთზე "არწივები" ანდროს თაუნსენდისა და პატრიკ ვან აანჰოლტის გოლებით 2-0 იგებდა, მაგრამ მეორე ტაიმში გაუმჯობესებულმა თამაშმა ჟოზე მოურინიოს გუნდს გამარჯვება მოუტანა. სმოლინგი ამას მწვრთნელის მიერ განხორციელებულ ცვლილებებს და გუნდის ხასიათს მიაწერს.
"პირველი ტაიმი ძალიან ცუდად დავიწყეთ, მაგრამ მეორე ტაიმში ინტენსიურობა შევიძინეთ და ვფიქრობ, საბოლოოდ გამარჯვება დავიმსახურეთ. ცვლილებებმა თავისი როლი ითამაშა - ჩვენ ჩვენი ყველა შეცვლა გამოვიყენეთ ამან გავლენა მოახდინა.
ვფიქრობ, მნიშვნელოვანი როლი ითამაშა იმან, რომ მკვდრების მიდგომა არ გამოგვივლენია და ბიჭებმა ხასიათი აჩვენეს, რის წყალობითაც 2-0 ანგარიშიდან მატჩი მოვიგეთ. როგორც წესი, 2-0 არ ვმარცხდებით ხოლმე, მაგრამ "სელჰერსტ პარკზე" თამაში ძალიან რთულია.
დიდი გამარჯვება მოვიპოვეთ. ამან კი დიდი დარტყმა მიაყენა ჩვენს კონკურენტებს, რომლებიც ალბათ სიამოვნებას იღებდნენ, როცა 2-0 ვმარცხდებოდით. ისინი თავიანთ სიძლიერეს იყენებდნენ და წინ ორ დიდ ფეხბურთელს იყენებდნენ, რომლებმაც ბევრი პრობლემა შექმნეს. ჩვენს ჩვენს სიმაღლეზე უნდა ვყოფილიყავით და ეს დიდი ბრძოლა იყო - ვისიამოვნე."
ამ გამარჯვების შემდეგ "იუნაიტედი" მეორე ადგილზე დაბრუნდა და "ლივერპულს" 2 ქულით გადაასწრო. მომდევნო ტურში კი სწორედ ამ გუნდების დაპირისპირება შედგება.
"ლივერპულთან" მატჩის წინ ეს იდეალური საშუალება განწყობის ასამაღლებლად. სამ სხვადასხვა ტურნირზე სამი დიდი მატჩი გვაქვს და როცა "ოლდ ტრაფორდზე" ვთამაშობთ, ყველაფრის გაკეთება შეგვიძლია. ეს დიდი მატჩია. ხვალიდან ჩვენს ყურადღებას "ოლდ ტრაფორდზე" მათ ვიზიტს დავუთმობთ და მომღიმარი სახით დავხვდებით".