კრიშტიანუმ იმ ფეხბურთელზე ისაუბრა, ვისი ხილვაც ყველაზე მეტად სურს "რეალში".
უკვე რამოდენიმე წელია "მადრიდის რეალს" საუკეთესო მეკარის ხილვა სურს საკუთარ კარის ხაზზე. მათ შესანიშნავი კანდიდატიც ჰყავთ შერჩეული დავიდ დე ხეას სახით, რომლის გადაბირებას კლუბი დღემდე ცდილობს, თუმცა უშედეგოდ.
ზიდანის გუნდის უდავო ლიდერმა კრიშტიანუ რონალდუმ, კლუბს დე ხეას შეძენა ურჩია და განუცხადა, რომ ზაფხულის სატრანსფერო ფანჯარაზე მათი პრიორიტეტი, სწორედ ესპანელი კიპერის გადაბირება უნდა იყოს.
დავიდს "წითელ ეშმაკებთან" მიმდინარე კონტრაქტი 2019 წლამდე აკავშირებს, თუმცა კლუბმა მეკარეს უკვე შესთავაზა ახალი კონტრაქტი, რომლის თანახმადაც დე ხეა მსოფლიოში ყველაზე მაღალანაზღაურებადი მეკარის სტატუსს მიიღებს, რის შემდეგაც საეჭვოა, თავად ფეხბურთელმა კლუბის შეცვლა და ესპანეთში გადაბარგება მოინდომოს.
"იუნაიტედმა" დე ხეა 2011 წელს მადრიდის "ატლეტიკოდან" შეიძინა. 27 წლის ფეხბურთელი, მიუხედავად იმისა, რომ მისი კლუბი პრემიერ ლიგის წლევანდელი სეზონის გამარჯვებისგან ძალიან შორს არის, შესანიშნავ ფორმაშია.
შეგახსენებთ, მოურინიოს გუნდი, სატურნირო ცხრილის მეორე ადგილზე იმყოფება და ლიდერ "სიტის" 16 ქულით ჩამორჩება.
წყარო:
euro-football