პრესისა და გულშემატკივრებისთვის არახალია ის ფაქტი, რომ "იუნაიტედს" ზაფხულში ნახევარდაცვისა და დაცვის მნიშვნელოვნად გაძლიერებვა სურს. ასევე ცნობილია ისიც, რომ მოურინიოს სამიზნე კატალონიური გრანდის "ბარსელონას" ფრანგი ფეხბურთელი სმუელ უმტიტია.

"წითელი ეშმაკების" მესვეურები, აქედანვე აქტიურად მუშაობენ ფეხბურთელის შესაძლო ტრანსფერზე. ამას მოწმობს Diario Gol- ის მიერ, დღეს გავრცელებული ცნობა, რომლის თანახმადაც "ლურჯბროწეულისფერების" ღირსების დამცველმა მომავალი კლუბის ხელმძღვანელობასთან კონტრაქტის პირადი დეტალები უკვე შეათანხმა.

ტრანსფერის გაოფიციალურება ზაფხულის სატრანსფერო ფანჯრის გახსნისთანავე მოხდება. 24- წლის ფეხბურთელის შეძენის სურვილი თავად ჟოზე მოურინიომ გამოთქვა.

რაც შეეხება სატრანსფერო ღირებულებას, ხოსეპ მარია ბათომეუმ უმტიტის სანაცვლოდ 60 მილიონი ევრო მოითხოვა. ასე, რომ თუ ზემოაღნიშნულ გამომცემლობას დავუჯერებთ უმტიტი ზაფხულში "ოლდ ტრაფორდზე" "იუნაიტედის" ღირსებას დაიცავს.



წყარო: euro-football