ინგლისის შოტლანდიას "მანჩესტერ იუნაიტედის" ახალგაზრდა ფეხბურთელის, სკოტ მაკტომინეისთვის შეეცილება. გავრელდა ინფორმაცია, რომ გარეთ საუთგეიტი პირადად შეხვდება სკოტს, რათა დაარწმუნოს, რომ შოტლანდიის ნაკრებში თამაშს ინგლისში თამაში ამჯობინოს.
"სევილიასთან" მატჩის წინ "იუნაიტედის" მთავარმა მწვრთნელმა, ჟოზე მოურინიომ ინგლისის ნაკრები გააფრთხილა, რომ ნიჭიერ ფეხბურთელს კარგავდა და შოტლანდიელთა მთავარ მწვრთნელ ალექს მაკლიშ მაკტომინეის გამოძახებისკენ მოუწოდა.
მოურინიომ ახალგაზრდა ფეხბურთელზე მცირე კომენტარი გააკეთა.
"ჩემი რჩევა ნაკრების არჩევის შესახებ არ არის. ჩემი რჩევაა, რომ დარჩეს იმად, ვინც არის - ძალიან თავმდაბალი, სწავლას მოწყურებული, ჭკვიანი. უნდა განაგრძოს ამავე გზით სვლა და იბრძოლოს "მანჩესტერ იუნაიტედში" თამაშის უფლების მოპოვებისთვის, რაც ადვილი არ არის. ამის შემდეგ კი ნაკრები მისი შრომის აღიარება იქნება"- განაცხადა პორტუგალიელმა.
მიუხედავად იმისა, რომ ინგლისშია დაბადებული, მაკტომინეის ბებია-ბაბუა შოტლანდიური ფესვების მქონენი არიან, რაც ფეხბურთელს აძლევს "შოტლანდიის" ნაკრებში თამაშის საშუალებას, მაგრამ სკოტი აქამდე მხოლოდ "იუნაიტედში" მოხვედრაზე იყო კონცენტრირებული.
მას ჯერ ინგლისისა და შოტლანდიის არცერთ ახალგაზრდულ ნაკრებში არ უთამაშია, შესაბამისად ის ორივე ქვეყნისთვისაა ხელმისაწვდომი და გასულ სეზონში უკვე მიიპყრო ინგლისის 21-წლამდელთა ნაკრების მწვრთნელის, ეიდი ბუთროიდის ყურადღება.
ინტერვიუები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.