"მანჩესტერ სიტის" 22 წლის შემტევმა, ლეროი სანემ ტიმოტი ფოსუ-მენსა შეაქო და განაცხადა, რომ იგი მისთვის ყველაზე რთული მეტოქე აღმოჩნდა.

"ჩემთვის ყველაზე რთული მეტოქე ტიმოტი ფოსუ-მენსაა. მის წინააღმდეგ ამ სეზონში ორჯერ ვითამაშე, გასულ სეზონშიც და ყოველთვის მაკონტროლებდა. მატჩის შემდეგ ვუთხარი, რომ მოხარული ვიყავი ჩვენი მორიგი შეხვედრის გამო" - განაცხადა 22 წლის გერმანელმა.

შეგახსენებთ, რომ ფოსუ-მენსა მიმდინარე სეზონს "კრისტალ პალასში" ატარებს. ჰოლანდიელი ფეხბურთელის კონტრაქტის თანახმად ის "იუნაიტედში" 2020 წლამდე დარჩება.

მისი განათხოვრება მხოლოდ და მხოლოდ იმითაა გამოწვეული, რომ მოურინიოს მისთვის რეგულარული სათამაშო პრაქტიკის მიღება სურს. ლონდონელებს არ აქვთ არანაირი გამოსყიდვის უფლება, იჯარის დროის გასვლის შემდეგ ფოსუ-მენსა კვლავ "ოლდ ტრაფორდზე" დაბრუნდება.

2016 წლის თებერვლის შემდეგ "იუნაიტედის" მაისურით ჰოლანდიელმა 21 შეხვედრა ჩაატარა.