ამჟამად უკვე "იუნაიტედის" ყოფილი ფეხბურთელი, ჰენრიხ მხითარიანი "არსენალის" საფეხბურთო სტილზე საუბრობს და აცხადებს, რომ მას ეს სტილი უბრალოდ ძალიან უყვარს. მხითარიანი მოხარულია იმით, რომ მისი ყოფილი კლუბისგან განსხვავებით "მეთოფეები" შემტევ ფეხბურთზე არიან კონცენტრირებულნი.

"არავისთვის ახალი არ არის, რომ "არსენალი" შემტევ ფეხბურთს თამაშობს, ეს ის სტილია რომელიც მე ძალიან მიყვარს. "იუნაიტედშიც" ვთამაშობდით შემტევი სტილის ფეხბურთს, თუმცა ეს არცთუისე ხშირად ხდებოდა, განსხვავება მხოლოდ ეს არის.

არავის გაკრიტიკების სურვილი არ მაქვს, ვინაიდან და რადგანაც, თითოეულ მწვრთნელს თავისი ინდივიდუალური მიდგომა და ფილოსოფია აქვს. შეიძლება ითქვას, რომ მე "იუნაიტედის" სტილის ფეხბურთელი არ ვიყავი".- იუწყება Sky Sports მხითარიანის სიტყვებს.

შეგახსენებთ, რომ სომეხი შემტევი ნახევარმცველი, ზამთრის სატრანსფერო ფანჯრის გახსნის დროს "იუნაიტედმა" ლონდონურ კლუბში, ალექსის სანჩესის სანაცვლოდ გაუშვა. ჰენრიხმა სეზონის დასაწყისი "წითლებთან" კარგად დაიწყო, თუმცა შემდეგ ჟოზეს გეგმებში სომეხი აღარ შედიოდა, მიზეზად მისი საფეხბურთო ფორმის დაუკმაყოფილებლობა სახელდებოდა.



წყარო: euro-football