დევიდ მოიესის წასვლის შემდეგ, "ოლდ ტრაფორდის" მესვეურებმა "იუნაიტედში" სამუშაოდ ჰოლანდიელი სპეციალისტი ლუ ვან გაალი მოიწვიეს. 2014 წელს, ვან გაალმა კლუბი ოფიციალურად ჩაიბარა და საკუთარ სამწვრთნელო შტაბში, არც მეტი არც ნაკლები რაიან გიგზიც დანიშნა. მწვრთნელი გუნდს 2016 წლამდე ედგა სათავეში.
ჟურნალისტებთან გაკეთებულ განცხადებებში, "იუნაიტედის ყოფილი მწვრთნელი ხშირად ახსენებს "მანჩესტერს" და იქ გატარებულ დროს. ერთ-ერთ ინტერვიუში საუბრობს იმ ტრანსფერებზე, რომელიც მისი იქ ყოფნის დროს სურდა, რომ განხორციელებულიყო. გთავაზობთ ამონარიდს ვან გაალის ინტერვიუდან.
" "იუნაიტედში " ჰუმელსის მოყვანა მსურდა. თუმცა ის პერიოდი ჩვენთვის საუკეთესო ნამდვილდ არ ყოფილა, ვერ მოვახერხეთ ამ ტრანსფერის წარმატებით დასრულება. კლუბში ასევე ტომაშ მიულერის გადმობირებაზე ვიყავი კონცენტრირებული, "მიუნჰენურმა" კლუბმა კი კატეგორიული უარი განგვიცხადა მოლაპარაკებებზეც კი. მათ გვითხრეს, რომ ეს ორი ფეხბურთელი არ იყიდებოდა".- ციტირებს ლუის სიტყვებს SportBild.
ლუი ვან გაალმა როგორც უკვე მოგახსენეთ, კლუბი 2016 წელს დატოვა. მის ნაცვლად "წითლებს" სათავეში პორტუგალიელი სპეციალისტი ჟოზე მოურინიო ჩაუდგა.