ბოლო დროს პრესა ხშირად საუბრობს, "იუნაიტედის" თავკაც ჟოზე მოურინიოსა და ამავე გუნდის ფრანგ ნახევარმცველ პოლ პოგბას შორის მომხდარ მცირე დაპირისპირებაზე. იყო გაუგებრობა თუმცა ამას ფართო მაშტაბის სახე არ მიუღია. როგორც ფეხბურთელის აგენტი მინო რაიოლა მოწმობს პოლს, "მანჩესტერში" დარჩენა და "ოლდ ტრაფორდზე" დიდხანს ასპარეზობა სურს.
"რა თქმა უნდა თუ სიტუაცია იძაბება და ყველაფერი ცუდადაა, ვეძებ საუკეთესო გამოსავალს კლუბსა და ფეხბურთელს შორის. პოგბასა და მოურინიოს შორის არანაირ დაპირისპირებას ადგილი არ აქვს. ჩემ კლიენტს სურს "წითელ ეშმაკებთან" ყოფნა და ამ გუნდთან ერთად გამარჯვებების მიღწევა".- ციტირებს Rai Sport რაიოლას სიტყვებს.
მიმდინარე სეზონში ჩატარებული შეხვედრებიდან, პოგბას ანგარიშზე 3 გოლი და 10 საგოლე გადაცემაა. ასე, რომ თუ გულშემატკივარი ფეხბურთელის აგენტს დაუჯერებს, სანერვიულო არაფერია და პოგბა "ოლდ ტრაფორდზე" დარჩება. აქამდე გავრცელებული ცნობით, თითქოს პოგბას კლბის დატოვება სურდა მომავალ ზაფხულში, მისი შეძენის მსურველი კი მადრიდული კლუბი "რეალი" იყო.