"იუნაიტედი" გუნდის გაძლიერებას ამჯობინებს.
"ოლდ ტრაფორდის" ტევადობის 88 ათასამდე გაზრდას "მანჩესტერ იუნაიტედი" აღარ აპირებს და ჟოზე მოურინიოს სატრანსფერო ფანჯარაზე ფინანსურ მხარდაჭერას აღმოუჩენს.
"იუნაიტედს" ჰქონდა გეგმა, რომლის თანახმადაც 75 ათასიანი ტევადობა უნდა გაზრდილიყო და ტრიბუნებზე ატმოსფერო უნდა გაუმჯობესებულიყო.
იმის ფონზე, რომ ჯერ სამუშაოები არ დაწყებულა, კლუბთან დაკავშირებულმა წყარომ მედიას განუცხადა, რომ გუნდის ფინანსურ პრიორიტეტს მწვრთნელისთვის გვერდში დგომა და შემადგენლობის გაუმჯობესება წარმოადგენს.
მოურინიო აღმასრულებელ დირექტორ ედ ვუდვორდს შეხვდა და სტადიონის არასაამაყო ატმოსფერო განიხილა, მანამდე კი "ოლდ ტრაფორდზე" შეკრებილი გულშემატკივარი გააკრიტიკა.
თუმცა, მიუხედავად 2016 წლის მაისიდან დღემდე დახარჯული 300 მილიონისა, გუნდი სასურველ შედეგებს მაინც ვერ აჩვენებს და გაუმჯობესებას საჭიროებს.
მოურინიოს შეგირდები პრემიერ ლიგის ლიდერს 16 ქულით ჩამორჩებიან, ამის პარალელურად კი კიდევ ორ ტურნირზე ასპარეზობენ, მაგრამ პრობლემა ფეხბურთელებშია.
ამ პრობლემის გამოსასწორებლად კი კლუბი მიმართავს სატრანსფერო ფანჯარას, რომლის დროსაც შემადგენლობის გაძლიერებას ეცდება და პრიორიტეტული სამიზნეები დაცვაში მოთამაშე ფეხბურთელები იქნებიან.
წყარო:
dailymail